مشال ارشدسی ایم انڈرگراونڈ نیوز
لاہور: حکومت پنجاب نے سیکرٹری عہدے کے 6 افسران کے تقرر اور تبادلوں کے احکامات جاری کردیے۔
صوبائی حکومت کی جانب سے جاری نوٹیفکیشن کے مطابق ایڈیشنل چیف سیکرٹری ہوم مومن آغا اور سیکرٹری اسپیشلائز ہیلتھ نبیل اعوان کی خدمات وفاق کے سپرد کردی گئی ہیں۔
ظفر نصراللہ کو مو من آغا کی جگہ ایڈیشنل چیف سیکرٹری ہوم اور عامر جان کو نبیل اعوان کی جگہ سیکرٹری اسپیشلائزڈ ہیلتھ کیئر تعینات کیا گیا ہے، ظفرنصراللہ کے پاس سیکرٹری ہاؤسنگ کا اضافی چارج بھی رہےگا۔
اس کے علاوہ سیکرٹری جنگلات جاوید اقبال بخاری کو محکمہ سروسزرپورٹ کرنے کی ہدایت کی گئی ہے اور ان کی جگہ شاہد زمان کو سیکرٹری محکمہ جنگلات تعینات کیا گیا ہے۔
