مشال ارشدسی ایم انڈرگراونڈ نیوز
شاہ رخ اور کاجول بالی وڈ کی مقبول جوڑیوں میں سرفہرست ہیں، دونوں اداکار نہ صرف ایک ساتھ بالی وڈ کو کئی کامیاب فلمیں دے چکے ہیں بلکہ ناظرین آج تک اس جوڑی کی فلم کے منتظر دکھائی دیتے ہیں ْ۔
لیکن کیا آپ جانتے ہیں ایک وقت ایسا بھی آچکا ہے جب شاہ رخ کاجول سے نہ صرف متاثر نہیں تھے بلکہ عامر خان کو ان کے ساتھ کام نہ کرنے کی تنبیہ بھی کرچکے تھے۔
بھارتی میڈیا کے مطابق بالی وڈ کنگ شاہ رخ خان اپنے ایک انٹرویو میں انکشاف کرچکے ہیں کہ جب میں اداکارہ کاجول کے ساتھ فلم بازی گر کے لیے کام کررہا تھا تو عامر نے مجھ سے ان سے متعلق پوچھا اور کہا کہ وہ کاجول کے ساتھ کام کرنا چاہتے ہیں۔
شاہ رخ خان کا کہنا تھا کہ میں نے عامر تک ایک پیغام پہنچایا کہ وہ بہت بری ہے،کام پر کوئی توجہ نہیں لہٰذا تم اس کے ساتھ کام نہیں کرپاؤگے۔
اداکار نے کہا تھا کہ اسی رات میں نے تبدیلی دیکھ لی اور عامر کو کال کرکے واضح کیا کہ میں نہیں جانتا یہ کیا ہے لیکن اس نے اسکرین پر معجزہ کردیا ہے۔
خیال رہے کہ کاجول اور شاہ رخ کی فلم بازی گر 1993 میں ریلیز ہوئی تھی۔
