روچڈیل سے بیورو رپورٹ
روچڈیل کونسل کے میئر کونسلر عاصم رشید اپنے ساتھیوں ڈپٹی لیڈر کونسلر عدالت علی،چیئر آف پلاننگ اینڈ لائسنسنگ کونسلر شکیل احمد کیساتھ عید الاضحی کے موقع پر مدینہ مسجد ( نیو بولڈ) اور گمکول شریف (کراوفورڈ سٹریٹ ) روچڈیل کے لوگوں کیساتھ مصافحہ و بغل گیر ہو کر مبارکباد دی ۔
میئر آف روچڈیل و دوسرے سیاسی قائدین کا کہنا تھا کہ ایک طویل مدت کے بعد (کووڈ 19 کورونا وائرس) کی احتیاطی تدابیر کی پابندیوں کے خاتمے پر لوگوں کیساتھ ہاتھ ملا کر،بغل گیر ہو کر عید کے موقع پر مبارکباد دینے اور مبارکباد لینے کا لطف کسی بڑی خوشی سے کم نہیں ہے۔
ویسے بھی یہ عید الاضحی کا تہوار امت مسلمہ کے لیے سال کا سب سے بڑا تہوار ہوتا ہے۔
لاکھوں کی تعداد میں دنیا بھر سے لوگ حج بیت اللہ (مسجد الحرام ) کا طواف اور حج کی ادائیگی کرتے ہیں۔
میئر کونسل آف روچڈیل عاصم رشید و دیگر قائدین نے اپنے پیغام میں امت مسلمہ و بالخصوص جموں و کشمیر ، فلسطین کے مسلمانوں کو عید الاضحی پر مبارکباد دی ہے اور اقوام متحدہ،یورپی یونین اور برطانیہ کی حکومت سے پر زرو اپیل کی ہے کہ نہتے جموں و کشمیر کے مسلمانوں کو انڈین آرمی و مودی سرکار کے ظلم و بربریت سے نجات دلوا کر آزاد کروائیں اور فلسطین کے مسلمانوں کے حقوق کے لیے اپنا کردار ادا کریں۔
