مشال ارشد سی ایم انڈرگراونڈ نیوز
گجرات : بھارت میں نہایت دلخراش واقعہ پیش آیا ہے جس میں سڑک کے کنارے سونے والے مزدور حادثے کا شکار ہوکر موت کے منہ میں چلے گئے،ٹرک نے کچل کر مار ڈالا۔
مذکورہ واقعہ بھارتی ریاست گجرات کے علاقے امریلی میں میں پیش آیا جہاں ایک سڑک کے کنارے دن بھر کے تھکے ہارے آٹھ مزدور سو رہے تھے کہ مزدوروں کو تیزرفتار ٹرک ان پر چڑھ دوڑٖا ۔
بھارتی میڈیا کے مطابق امریلی میں ایک بے قابو ٹرک نے سڑک کے کنارے سونے والے مزدوروں کو کچل دیا اور اطلاع ہے کہ ان میں سے آٹھ غریب مزدور ہلاک ہو گئے ہیں باقی زخمیوں کو مقامی اسپتال میں داخل کرایا گیا ہے جہاں وہ زیر علاج ہیں۔
اے بی پی نیوز پورٹل پر شائع خبر کے مطابق یہ حادثہ امریلی میں ساور کنڈلا کے باڑھڈا گاؤں کے قریب ہوا۔ یہ حادثہ صبح تین بجے کے قریب پیش آیا۔ حادثہ کے بعد جائے وقوعہ پر چیخ و پکار مچ گئی جس سے علاقہ میں کہرام مچ گیا، مقامی پولیس نے موقع پر پہنچ کر ہلاک اور زخمی ہونے والوں کو اسپتال منتقل کیاجہاں زخمیوں ک وطبی امداد دی جارہی ہے۔
واضح رہے حادثہ کے بعد گجرات کے وزیر اعلیٰ نے اس کی فوری تحقیقات کا حکم دیا ہے اور مرنے والوں کے اہل خانہ کو فی کس چار لاکھ روپے کا معاوضہ دینے کا اعلان کیا ہے۔ دوسری جانب پولیس نے حادثے کے فوری بعد اس بے قابو ٹرک کے ڈرائیور کو گرفتار کرلیا اور مزید تحقیقات شروع کر دی ہے۔
