مشال ارشد سی ایم انڈرگراونڈ نیوز
اداکار و میزبان فیصل قریشی کی وائرل ہونے والی ویڈیو دیکھ کر مداح خوب محظوظ ہورہے ہیں۔
انسٹاگرام پر فیصل قریشی کی ایک ویڈیو وائرل ہورہی ہے جس میں انہوں نے چہرے پر فیس ایپ کا استعمال کرتے ہوئے خود کو بوڑھا بنادیا۔
اداکار نے چہرے پر ادھیڑ عمر کا فلٹر استعمال کیا ہے اور ویڈیو میں وہ اپنی صحت سے متعلق مداحوں کو مطلع کررہے ہیں۔
ویڈیو میں فیصل قریشی کا کہنا ہے کہ لوگ مجھ سے پوچھ رہے تھے کہ آپ کی طبیعت کیسی ہے۔
انہوں نے منفرد لب و لہجہ اپناتے ہوئے کہا کہ میں نے سوچا بتادوں کہ میں بالکل ٹھیک ہوں۔
اداکار کی اس ویڈیو پر صارفین کی جانب سے دلچسپ تبصروں کا سلسلہ جاری ہے۔
خیال رہے کہ فیصل قریشی گزشتہ ہفتے کورونا وائرس میں مبتلا ہوئے تھے۔
