مزمل حسین ایڈمنسٹریٹر آفسیر انڈرگراونڈ نیوز
وزیراعلیٰ پنجاب عثمان بزدار نے کہا ہے کہ یومِ دفاع، پاکستان کی دفاعی تاریخ کا روشن اور قابل فخر باب ہے، یومِ دفاع پر مظلوم کشمیریوں کے ساتھ مکمل یکجہتی کرتے ہیں۔
یومِ دفاع پاکستان کے موقع پر جاری کیے گئے بیان میں عثمان بزدار نے کہا کہ پاک افواج نے بزدل دشمن کی جارحیت کا منہ توڑ جواب دیا۔
عثمان بزدار نے کہا کہ ملکی سلامتی کے لیے قوم اور مسلح افواج یک جان ہیں۔
دوسری جانب گورنر پنجاب چوہدری محمد سرور نے اپنے پیغام میں شہداء 6 ستمبر کی عظمت کو سلام پیش کیا۔
چوہدری محمد سرور نے کہا کہ الحمداللّہ پاکستان کا دفاع مضبوط ترین ہاتھوں میں ہے۔
واضح رہے کہ ملک بھر میں یوم دفاع آج بھرپور ملی جوش و جذبے سے منایا جا رہا ہے، مسلح افواج کے غازیوں اور شہدا کو قوم کا سلام اور خراجِ عقیدت پیش کیا جارہا ہے۔
