اگادیر (رپورٹ چودھری عارف )
ہمیں پاکستانی ہونے پر فخر ہے کہ دنیا بھر کے سیاح ہمارے ہوٹل بالی ووڈ ریسٹورنٹ اگادیر میں کھانا کھانے آتے ہیں:منیجرعامر
دنیا بھر میں بسنے والی پاکستانی کمیونٹی مادر وطن کی معیشت کو استحکام اور مضبوط دینے میں نمایاں کردار ادا کرنے میں پیش پیش ہیں۔
افریقہ کے ملک مراکش کےسیاحتی مقام اگادیر میں پاکستانی کھانوں کا ذائقہ دوبالا کرنے کے لیے قائم ریسٹورنٹ اپنی منفردتیت کی وجہ سے سیاحوں کی خاص توجہ کا مرکز رہتا ہے ۔
مقامی ریسٹورنٹ کے مینجر محمد عامر کا کہنا تھا کہ پندرہ سال سے ریسٹورنٹ کا کاروبار کر رہے ہیں برطانیہ اور دنیا بھر سے یہاں سیاح سیر و تفریح کے لیے آتے ہیں۔
کورونا وائرس کی وجہ سے کاروبار متاثر ہوا ہے مقامی کونسل ہر طرح کا تعاون کر رہی ہے ہم یہاں سے پاکستان زرمبادلہ بھیجتے ہیں جس سے ملکی معیشت مضبوط ہوتی ہے۔
فاروق قیوم کا کہنا تھا کہ کورونا وائرس سے پہلے ہمارا کاروبار بہت اچھا تھا وبا کی وجہ سے اس میں کمی ہوئی ہے لیکن اب دوبارہ بہتر ہو رہا ہے ہم یہاں سے پاکستان اپنے خاندان کی مالی مدد زرمبادلہ بھیجنے کی شکل میں کرتے ہیں ۔
چودھری منیر ،مبشر بٹ ،ریاض کھوکھر ،چودھری اقبال ،شاہد رفیق ،راجہ شبیر کاکڑوی کا کہنا تھا کہ اگادیر سیر و تفریح کے لیے آئے ہیں یہاں پر پاکستانی کھانے کھا کر بے حد محضوظ ہوئے اور بالی ووڈ ریسٹورنٹ اگادیر کے اسٹاف کا رویہ بھی قابل تعریف ہے ۔
