لندن (عارف چودھری)
لمسلم لیگ ن کے چیف کو آرڈینیٹر انٹرنیشنل آفئیرز بیرسٹر امجد ملک کی قائد مسلم لیگ ن میاں نواز شریف صاحب سے جمعہ شام کو مسلم لیگ کے سب آفس میں ملاقات ہوئی ۔اس موقع پہ سابق وفاقی وزیر خزانہ اسحق ڈار صاحب اور سابق وزیر مملکت عابد شیر علی اور دیگر لیگی اکابرین بھی موجود تھے۔
بیرسٹر امجد ملک کا کہنا ہے تین دفعہ کے وزیراعظم کا مسلہ اقتدار نہیں اختیار ہے۔ کل بھی یہی منطق اور مسلہ درپیش تھا آج بھی قائد مسلم لیگ ن اسی دوراہے پر کھڑے ہیں۔اس حکومت کے پاس نہ شہباز سپیڈ ہے نہ اسحق ڈار صاحب جیسی مالیاتی قابلیت اور ڈسپلن۔ اٹھارہ فیصد مہنگائی کمر توڑ رہی ہے ، ڈالر تیزی سے پرواز کرتا ہوااوپر جارہاہے۔ حکومت کی غفلت اور نااہلی ناقابل اصلاح ہے۔کیا اس حکومت کو وقت پورا کرنے دینے کا وقت ہے اور ملک اسکا متحمل ہے، یہی فیصلہ کرنا ہے ۔عوام انتظار میں ہے اور بے تاب بھی۔ میاں نواز شریف بہت خوشگوار موڈ میں تھے۔
بیرسٹر امجد ملک نے مزید کہا کہ میاں محمد نواز شریف اور اسحق ڈار صاحب کیساتھ ملاقات یادگار رہی یاد رہے کہ پچھلے ماہ بیرسٹر امجد ملک نے لاھور پاکستان کے دورہ میں مسلم لیگ ن کے صدر اور قائد حزب اختلاف میاں شہباز شریف اور مسلم لیگ ن کی نائب صدر محترمہ مریم نواز سے بھی سے بھی خصوصی ملاقاتیں کی تھیں ۔
