مزمل حسین ایڈمنسٹریٹر آفسیر انڈرگراونڈ نیوز
وفاقی وزیر اطلاعات فواد چوہدری کا کہنا ہے کہ نئے بیلسٹک میزائل کا کامیاب تجربہ ہماری دفاعی طاقت میں اہم اضافہ ہے۔
سماجی رابطے کی ویب سائٹ ٹوئٹر پر اپنے بیان میں وفاقی وزیر اطلاعات فواد چوہدری نے کہا کہ پاکستان کا میزائل پروگرام دنیا کے چند بہترین میزائل پروگرامز میں سے ہے۔
واضح رہے کہ پاکستان نے گزشتہ روز بیلسٹک میزائل شاہین ون اے کا کامیاب تجربہ کیا ہے، آئی ایس پی آر کے مطابق میزائل تجربے کا مقصد ہتھیاروں کے نظام کے مخصوص ڈیزائن اور تکنیکی پہلوؤں کا از سر نو جائزہ لینا تھا۔
ڈی جی ایس پی ڈی لیفٹیننٹ جنرل ندیم ذکی سمیت چیئرمین نیسکام ڈاکٹر رضا ثمر، کمانڈر آرمی اسٹریٹیجک فورسز کمانڈ لیفٹیننٹ جنرل محمد علی نے بھی مشاہدہ کیا۔
آئی ایس پی آر کا کہنا ہے کہ ڈی جی ایس پی ڈی نے کامیاب تجربے پر سائنسدانوں،انجینئرز کو مبارک باد دی۔
