مصباح لطیف(اے۔ای انڈرگرائونڈ نیوز)
سعودی عرب میں ریستورانوں میں ٹیبل سسٹم بحال کردیا گیا جبکہ کنٹرولر کی تعیناتی لازمی قرار دے دی گئی۔
سعودی وزارت بلدیات کے مطابق گاہکوں کے لیے ماسک کا استعمال ضروری ہوگا اور کارکنان بھی ڈیوٹی کے دوران ماسک کا اہتمام لازمی کریں گے۔
سعودی وزارت بلدیات نے ہدایت جاری کی کہ ملازمین بار بار ہاتھ دھوئیں اور الیکٹرانک مینیو پیش کیا جائے۔
سعودی وزارت بلدیات کی ہدایات کے مطابق باورچی خانے میں ملازمین کی تعداد کم اور بھیڑ بھاڑ سے بچا جائے، ریستورانوں میں دو ٹیبل کے درمیان کم از کم تین میٹر کا فاصلہ رکھا جائے۔
اس کے علاوہ سعودی عرب میں بند قہوہ خانوں میں شیشہ اور حقہ پیش کرنے کی بھی مشروط اجازت ہوگی، شیشہ اور حقہ کے آلات صرف ایک بار ہی استعمال کیے جائیں گے۔
