مصباح لطیف(اے۔ای انڈرگرائونڈ نیوز)
خیبرپختونخوا میں گزشتہ مالی سال کے لیے محکمہ صحت کے کورونا فنڈز کے خصوصی آڈٹ کے دوران ایک ارب 38 کروڑ روپے کی سنگین بے ضابطگیاں اور 29 کروڑ روپے کی فراڈ ادائیگیاں پائی گئیں۔
آڈیٹر جنرل پاکستان کی رپورٹ میں محکمہ صحت کی غفلت، کمزوریوں، مالیاتی کنٹرول کی کمی اور قومی خزانے کو پہنچنے والے نقصانات کو بے نقاب کیا گیا ہے۔
رپورٹ میں فراڈ ادائیگیوں، فنڈز کا غلط استعمال، بے ضابطگیوں، مشکوک ادائیگیوں اور بدانتظامی کو بھی بے نقاب کیا گیا۔
رپورٹ میں کم ترین نرخوں کو نظر انداز کرتے ہوئے زیادہ قیمتوں پر مختلف اشیاء کی خریداری کا بھی پردہ فاش کیا گیا ہے۔
