مشال ارشد سی ایم انڈرگراؤنڈ نیوز
متحدہ عرب امارات کے دارالحکومت ابوظبی میں قائم پاکستانی سفارتخانے نے اوورسیز پاکستانیوں کیلئے پیغام جاری کردیا۔
پاکستانی سفارتخانے کی جانب سے جاری اعلامیے کے مطابق اوورسیز پاکستانی اماراتی سوشل میڈیا قوانین کا احترام کریں۔
اعلامیے میں کہا گیا ہے کہ سیاسی نعرے، احتجاج یا ریلی کاحصہ نہ بنیں کیونکہ اماراتی قوانین کے مطابق یہاں کسی بھی قسم کا احتجاج یا جلسہ غیرقانونی ہے۔
سفارتخانہ کا کہنا ہے کہ سوشل میڈیا کے استعمال میں ذمہ داری دکھاتے ہوئے غیرمناسب موادشیئر نا کریں۔
اعلامیے کے مطابق تمام پاکستانیوں کو ہدایت کی جاتی ہے کہ مقامی قوانین کی پاسداری کریں اور اس طرح کی کسی بھی سرگرمی سے اجتناب کریں۔
