مشال ارشد سی ایم انڈر گراؤنڈ نیوز
وزیراعلیٰ حمزہ شہباز نے گوجرانوالا میں ہجوم کے تشدد سے جاں بحق شخص کے ورثاء سے تعزیت کی اور مجرموں کو انجام تک پہنچانے کی یقین دہانی کرائی۔
وزیراعلیٰ پنجاب نے مقتول اشرف کی بیوہ کو 25 لاکھ روپے کا چیک بھی پیش کیا۔
حمزہ شہباز نے بتایا کہ اشرف کے قاتل گرفتارہوچکے ہیں، ہجوم میں لوگوں کو مارنے کے واقعات ہمارے لیے چیلنج ہیں۔
خیال رہے کہ گزشتہ دنوں گوجرانوالا کےعلاقہ لوہیانوالا بائی پاس کےقریب اشرف نامی نوجوان پیٹرول پمپ کے باہر ایک موٹر سائیکل کے قریب کھڑا تھا کہ لوگوں نے چور سمجھ کر پکڑ لیا۔
مشتعل افراد اسے پیٹرول پمپ پر لےگئے اور رسیوں سے باندھ کر شدید تشدد کا نشانہ بنایا، اطلاع ملنے پرپولیس پہنچ گئی اور نوجوان کو مشتعل شہریوں سے چھڑانے کے بجائےخود بھی تشددکرتی رہی، بعد ازاں زخمی اشرف کو حراست میں لےکر اسپتال منتقل کرنے کے بجائےگاڑی میں ہی گھماتی رہی، حالت زیادہ بگڑنے پر اسے اسپتال لے جایا گیا لیکن طبی امداد ملنے سے قبل ہی اشرف دم توڑگیا۔
