مانچسٹر(خصوصی رپورٹر)
پاکستان سے اکثر کاروباری شخصیات جن میں صنعت کار،ایکسپورٹرز اور امپورٹرز کے علاوہ،سیاستدان، مینو فیکچرز،جنرل ٹریڈرز ،ججز اور پولیس آفیسرز برطانیہ آتے جاتے رہتے ہیں۔
ان دنوں سیاسی و سماجی شخصیت اور لاہور ہائی کورٹ کے معروف ایڈووکیٹ سجاد ربانی، سیالکوٹ پاکستان کے سپورٹس گڈز میں معروف ایکسپورٹر مطلوب بٹ برطانیہ کے دورے پر ہیں پولیس آفیسر عبداللہ احمد جو اعلیٰ تعلیم حاصل کرنے کے لیے برطانیہ میں موجود ہیں۔ان شخصیات کی ملاقات برطانیہ و یورپ کے بزنس مین خالد چوہدری اور دیگر بزنس کمیونٹی شخصیات کیساتھ قونصلیٹ جنرل آف پاکستان مانچسٹر آفس میں قونصل جنرل آف پاکستان طارق وزیر اور ٹریڈ سیکرٹری چوہدری محمد اختر سے خصوصی ملاقات میں ملک کی سیاسی صورتحال کیساتھ ملکی معیشت کو مستحکم بنانے،مہنگائی و بے روزگاری کے خاتمے، ملک کی ایکسپورٹ بڑھانے اور پاکستانی مصنوعات کو جدید ٹیکنالوجی کے دور کے مطابق جدید طریقے اور نئے سرے سے متعارف کروانے پر اور دیگر امور پر تبادلہ خیال کیا گیا۔
قونصل جنرل آف پاکستان مانچسٹر طارق وزیر اور ٹریڈ سیکرٹری چوہدری محمد اختر نے وفد سے گفتگو کرتے ہوئے بتایا کہ ہم پاکستانی و کشمیری کمیونٹی کو جدید سسٹم کی مدد سے گھر بیٹھ کر اپنے نادرا کارڈز،پاسپورٹ کی تجدید کروانے اور ویزہ آن لائن حاصل کرنے کی سہولیات مہیا کرنے کے علاؤہ بزنس کمیونٹی کے لیے سیمینار ،روشن ڈیجیٹل اکاؤنٹس و فلاحی کاموں جیسے کئی پراجیکٹس کے ذریعے اکٹھا کرکے آگاہی دے چکے ہیں جس سے گریٹر مانچسٹر میں بسنے والے لوگ ان سہولیات کو پا کر بہت خوش اور مستفید ہوئے ہیں۔ہماری کوشش ہے کہ یہاں سے پاکستان زیادہ سے زیادہ زرمبادلہ جائے اور لوگ پاکستان میں انویسٹمنٹ کریں تاکہ ہمارا ملک معاشی ترقی کر سکے جس سے ملک و قوم میں خوشحالی آئے۔
