سابق وزیر داخلہ شیخ رشید کا کہنا ہے کہ 17 جولائی کو اگر خلائی، فضائی یا ہوائی موسم اثر انداز نہ ہوا تو یہ دن عمران خان کا ہوگا، آئندہ دو سے تین دن لاہور میں گزاروں گا۔

منتظر مہدی(اسلام آباد)

شیخ رشید نے دارالعلوم تعلیم القرآن راجہ بازار میں نماز عید کے بعد میڈیا سے گفتگو کرتے کہا کہ ساری قوم کو عید الاضحی مبارک پیش کرتا ہوں،جولائی کا مہینہ ملکی سیاست میں بہت ہی اہم ہے، ن لیگ اور پی پی پی کے درمیان تعیناتیوں پر مسائل ہیں. سعودی عرب میں سیاسی مشاورت ہوئی ہے، شہباز زرداری ایک پیج پر ہیں نواز شریف ابھی رکے رکے ہیں. یہاں جن پر فرد جرم لگنی تھی انہوں نے وزارت عظمیٰ کا حلف لے لیا.حاجی واپسی پر دو دو کنکریاں ساتھ لے کر آئیں.ایک کنکری بڑے اور ایک چھوٹے شیطان کو مارنی ہے۔