.مصباح لطیف(اے ای انڈرگرائونڈ نیوز)
کراچی کے علاقے نارتھ کراچی میں پولیس مقابلے میں تین ڈاکو ہلاک ہوگئے۔
پولیس کے مطابق نارتھ کراچی کے علاقے بابا موڑ کے قریب تین ڈاکو شہریوں کو لوٹ کر فرار ہورہے تھے کہ پولیس اور ڈاکوؤں کے درمیان فائرنگ کا تبادلہ ہوا اور فائرنگ کے تبادلے میں تین ڈاکو ہلاک ہوگئے۔
پولیس کے مطابق ہلاک ڈاکوؤں کے قبضے سے اسلحہ، موٹر سائیکل اور چھینا ہوا سامان برآمد ہوا ہے۔
پولیس مقابلے میں ہلاک ڈاکوؤں کی شناخت اویس، راشد اور ذیشان کے نام سے ہوئی ہے، ڈاکوؤں کی لاشوں کو ضابطے کی کارروائی کے لیے عباسی شہید اسپتال منتقل کردیا گیا ہے۔
