مانچسٹر(عارف چوہدری)
تحریک کشمیر برطانیہ کے صدر فہیم کیانی نے کل بروز جمعہ 3 ستمبر کو تین بجے انڈین قونصلیٹ برمنگھم کے سامنےعظیم لیڈر سید علی شاہ گیلانی مرحوم کی جبری تدفین کے خلاف احتجاجی مظاہرہ کے لیے برطانیہ بھر میں بسنے والے کشمیریوں و پاکستانیوں سے بھر پور شرکت کی اپیل کی ہے۔
صدر تحریک کشمیر برطانیہ راجہ فہیم کیانی اور برطانوی پارلیمنٹیرینز بھی اس احتجاجی مظاہرہ میں بھر پور شرکت کریں گے۔
صدر تحریک کشمیر روچڈیل خالد چوہدری نے بھی روچڈیلین کشمیری و پاکستانی کمیونٹی سے پر زور اپیل کی ھے کہ عظیم لیڈر سید علی گیلانی شاہ مرحوم کی جبری تدفین کے خلاف انڈین قونصلیٹ برمنگھم کے باہر کل بروز جمعہ سہ پہر تین بجے احتجاجی مظاہرہ میں بھرپور شرکت کریں ۔
