.مصباح لطیف(اے ای انڈرگرائونڈ نیوز)
کابینہ کی اقتصادی رابطہ کمیٹی(ای سی سی) نے پی ایس ایم پنجاب زون کے رمضان المبارک سے عیدالفطر تک 20ہزار میٹرک ٹن چینی 95 روپے فی کلو کے حساب سے عوام کو فراہم کرنے کے فیصلے کی توثیق کردی ہےجبکہ نوجوانوں کے لیے ای رکشہ اور بائیکس کی منظوری بھی دے دی۔
ای رکشہ اور بائیکس کی اسکیم کے تحت نوجوانوں کو 3سال کے لیے 5 لاکھ روپے تک کا بلا سود قرض دیا جائے گا۔
وزارت خزانہ کی طرف سے جاری کردہ اعلامیے کے مطابق وزیرخزانہ اسحاق ڈار کی زیر صدارت ای سی سی نے ای بائیکس اور رکشہ کی عوام کو فراہمی وزیراعظم کے یوتھ بزنس اور ایگریکلچرل لون سکیم کے تحت دینے کی منظوری دے دی۔
حکومت کی جانب سے کسٹم اسٹیشن انگوراڈا کو ایکسپورٹ روٹ ڈکلیئر کرنے کی بھی منظوری دے دی گئی۔
