وزیراعظم شہباز شریف کا کہنا ہے کہ منٹوں میں ضمانتیں دہرا معیار ہے جسے کوئی بھی پسند نہیں کرے گا، عدل و انصاف ہوتا نظر آنا چاہیے

لندن عارف چودھری

لندن میں میڈیا سے گفتگو کرتے ہوئے وزیراعظم شہباز شریف نے کہا کہ دہرا معیار کہیں بھی ہو معاشرے کیلئے سود مند نہیں ہوسکتا، آئین اور قانون کی بالادستی کا سب کو احترام کرنا ہوگا۔

شہباز شریف نے کہا کہ دیگر چیلنج حل کرنے کی پوری کوشش کی جا رہی ہے، سب اداروں کو دائرے میں رہ کر آئینی کردار ادا کرنا چاہیے۔

وزیراعظم نے کہا کہ عدالت عظمیٰ، پارلیمان اور دوسرے ادارے مل کر پاکستان کی خدمت کریں، آئین اور قانون کی بالادستی کیلئے ہم کردار ادا کر رہے ہیں۔

شہباز شریف نے یہ بھی کہا کہ ماضی قریب میں اپوزیشن کو جیلوں میں بھجوایا گیا۔