(مصبا ح لطیف اے ای انڈرگرائونڈ نیوز)
وزیرخزانہ اسحاق ڈار کا کہنا ہے کہ پاکستان دوبارہ ٹیک آف کرے گا،گھبرانے کی ضرورت نہیں ہے۔
اسحاق ڈار نے اپنے ایک بیان میں کہا کہ اس وقت عالمی صورتحال میں بھی بلاکس بنے ہیں، پاکستان دوبارہ ٹیک آف کرے گا،گھبرانے کی ضرورت نہیں ہے، ہمیں اس ملک کو دوبارہ مشکلات سے نکالنا ہوگا۔
انہوں نے بتایا کہ اس وقت بیرونی قرضے 100 ارب ڈالر ہیں،گیس پائپ لائن سمیت پاکستان کے پاس قیمتی اثاثے ہیں،صرف گیس پائپ لائن کی مالیت 50 ارب ڈالر ہے۔
اسحاق ڈار کا کہنا تھا کہ ریکوڈک اثاثوں کی مالیت 3 ہزار ارب ڈالر ہے،معاشی تنزلی کا رجحان روک دیا گیا ہے ۔ نئے مالی سال 223 ارب روپے کے نئے ٹیکس اقدامات کیے گئے ہیں، اگلے سال مہنگائی کا ہدف 21 فیصد ہے۔
