(مصبا ح لطیف اے ای انڈرگرائونڈ نیوز)
معروف ٹک ٹاکر حریم شاہ کی جانب سے انتہائی سستے پلاٹ کی فروخت کے اعلان پر سوشل میڈیا صارفین بھڑک اٹھے۔
ٹوئٹر پر حریم شاہ نے ایک نجی ویب سائٹ سے لیا گیا اسکرین شاٹ شیئر کرتے ہوئے واضح کیا کہ عوام کو 4 مرلہ پلاٹ صرف 3 لاکھ میں فراہم کیا جائے گا، اس اعلان کے ساتھ حریم شاہ نے صارفین سے سوال کیا کہ یہ پلاٹ کس کس کو چاہیے؟
اس پوسٹ پر جہاں کچھ صارفین نے حریم کی حوصلہ افزائی کی وہیں متعدد صارفین نے حریم کی ٹوئٹ کو سستی شہرت قرار دے دیا۔
ایک صارف نے حریم کی ٹوئٹ کو ری شیئر کرتے ہوئے حریم کو وزیراعظم کہتے ہوئے مخاطب کرتے ہوئے لکھا کہ وزیراعظم صاحب مجھے ایک پلاٹ قرض پر چاہیے۔
ایک صارف نے حریم کی ٹوئٹ کو مضحکہ خیز لیتے ہوئے ردعمل دیا کہ 3 لاکھ میں تو قربانی کا جانور نہیں آتا پلاٹ کہاں سے آئیگا۔
ایک صارف نے حریم شاہ کے اعلان کو فراڈ قرار دیا اور لکھا کہ آ پ کا پلاٹ بھی آپ کی طرح فراڈ ہوسکتا ہے ایک پلاٹ پر کئی لوگ منڈلاتے ہوں گے۔
