مصبا ح لطیف (اے ای انڈرگرائونڈ نیوز)
کراچی: بارش برسانے والا مغربی ہواؤں کا سلسلہ کل سے ملک کے شمالی علاقوں میں داخل ہونے کا امکان ہے۔
محکمہ موسمیات کے مطابق مغربی ہواؤں کا سلسلہ وسطی و بالائی سندھ تک پھیل سکتا ہے، اس سسٹم کے تحت 16 سے 17 اکتوبر کو سکھر، لاڑکانہ، جیکب آباد اور دیگر علاقوں میں گرج چمک کے ساتھ بارش کا امکان ہے۔
محکمہ موسمیات نے بتایا کہ 17 اکتوبر کو کراچی، ٹھٹھہ اور بدین میں ہلکی بارش کا امکان ہے جب کہ سجاول، تھرپارکر،عمرکوٹ اور حیدرآباد میں بھی ہلکی بارش ہوسکتی ہے۔
دوسری جانب محکمہ موسمیات نے کراچی کے موسم کے حوالے سے کہا کہ شہر میں آئندہ تین روز کے دوران موسم گرم اور مرطوب رہے گا، اس دوران شہر کا زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے جب کہ مغرب اور جنوب مغرب سے ہوائیں بھی چلتی رہیں گی۔
