رپورٹ عارف چوہدری
آشٹن سنٹرل مسجد کمیونٹی ہال میں خوش آمدید گروپ کی روح رواں کونسلر نائلہ شریف کی جانب سے مقامی کمیونٹی کے لیے نادرا سرجری کا انعقاد کیا گیا ۔ کمیونٹی کی بڑی تعداد نے نیکوپ کارڈ کے لیے درخواست دی ۔ بزرگ حضرات اور خواتین نے دفتری اوقات کار سے ہٹ کر سرجری کے انعقاد کو مفید قرار دیا ۔ خوش آمدید گروپ کی روح رواں کونسلر نائلہ شریف کا کہنا تھا کہ مقامی ابادی جنکو مانچسٹر قونصلیٹ جانے میں دقت پیش آتی ہے انہیں گھر کی دہلیز پر سروس مہیا کی میں خوش آمدید گروپ کی رضاکار خواتین ، پاکستانی قونصلیٹ مانچسٹر کے قونصل جنرل طارق وزیر کا شکریہ ادا کرتی ہوں جنکے تعاون سے نادرا سرجری کا انعقاد ممکن ہوا۔
نادرا سرجری میں پہلی بار آنے والی خاتون سماجی شخصیت زاہرہ ڈین نے کہا کہ اتنی بڑی تعداد میں کمیونٹی کو دیکھ کر خوشی ہوئ۔ ھم کونسلر نائلہ شریف اور نادرا ٹیم کے شکر گزار ہیں آشٹن کی سماجی شخصیت نزاکت علی نے سرجری کے انعقاد کو شاندار اور انتہائی منظم قرار دیتے ہوئے کہا کہ ادھیڑ عمر افراد کو مانچسٹر قونصلیٹ جانے میں دقت ہوتی ہے خوش آمدید گروپ نے نادرا کے تعاون سے گھر کی دہلیز پر سروس مہیا کرنے پر کونسلر نائلہ شریف کا شکریہ ادا کیا۔ نادرا مینجر سید عمران حیدر کا کہنا تھا
کہ ہم ایسے افراد کو کمیونٹی میں سہولت فراہم کر رہے ہیں جو دفتری اوقات میں آفس نہیں آ سکتے ہم کمیونٹی میں جا کر گھر کی دہلیز پر سروس دیتے ہیں کونسلر نائلہ شریف کا شکریہ جنہوں نے انتہائی منظم طریقے سے سرجری کا انعقاد کیا۔
