(اسلام آباد سے ھیڈ آف نیوز منتظر مہدی)
یہ ٹرین سفاری جس کی بکنگ پنڈی سٹیشن سے پہلے کروانی ہوتی ہے ہر اتوار صبح نو بجے چلتی ہے، سیاحوں کو لیکر کچھ دیر گولڑہ سٹیشن رکتی ہے اور پھر اٹک خورد سٹیشن جا پہنچتی ہے۔ اٹک شہر اور دریائے سندھ کی سیر کے بعد شام پانچ بجے واپسی ہوتی ہے۔ اور سنا ہے دریائے سندھ کے کنارے خوبصورت نظاروں والا اٹک قلعہ بھی سیاحوں کیلئے کھول دیا گیا ہے۔
سیاحت کے حوالے سے دیکھا جائے تو یہ بہت اہم اور بڑا کام ہے اور اس ٹرین کا کرایہ بہت مناسب رکھا گیا ہے۔ تو خواتین و حضرات اپنی شدید مصروفیت سے ایک اتوار نکال کر اس ٹرین سفاری کی نذر کردیجئیے۔ زندگی بھر یاد رکھا جانے والا سفر ہوگا۔
آج ہی پاکستان ریلوے کی ویب سائٹ، راولپنڈی سٹیشن یا اپنی قابل اعتماد ٹور کمپنی سے رابطہ کریں اور پہلی فرصت میں اس یادگار سفر پر روانہ ہوجائیں۔
