مزمل حسین ایڈمنسٹریٹر آفسیر انڈرگراونڈ نیوز
حکومت پاکستان نے بیرون ممالک جانے والوں کے لیے کورونا ویکسین کی بوسٹر خوراک کی قیمت مقرر کر دی ہے۔ وزرات قومی صحت نے بوسٹر خوراک کی قیمت کا نوٹی فکیشن جاری کردیا جس کے مطابق بیرون ممالک جانے والوں کے لیے بوسٹر کی قیمت 1270 روپے فی خوراک مقررکی گئی ہے۔ نوٹی فکیشن میں کہا گیا ہے کہ این سی او سی کے فیصلے کے مطابق بیرون ممالک سفر کرنے والوں کو بوسٹر خوراک لگائی جائے گی، بوسٹر خوراک ملک بھر کے مخصوص ویکسین مراکز پر لگائی جائے گی، جبکہ ویکسین بوسٹر کی قیمت کی ادائیگی نیشنل بینک کی تمام برانچز میں کی جاسکتی ہے۔
