ہیڈ آف نیوز اسلام آباد منتظر مہدی
نئی احتساب عدالتوں کے قیام سے متعلق معاملہ کی سماعت کے موقع پر سیکرٹری قانون کی طرف سے عدالت عظمیٰ کو بتایا گیا ہے کہ نئی عدالتوں کے اسٹاف کیلئے 40 ہزار سے زاہد امیدواروں کے انٹرویو مکمل کر کے اسٹاف کی تقرریاں کر لی گئی ہیں،احتساب عدالتوں کے ججز کی نامزدگیوں کے لیے متعلقہ ہائیکورٹس کے رجسٹرار کو خط بھی لکھ دیے ہیں۔معاملہ کی سماعت جسٹس مشیر عالم کی سربراہی میں تین رکنی بینچ نے کی۔دوران سماعت جسٹس مشیر عالم نےعدالت کا وزارت قانون کی جانب سے رجسٹرار کو لکھے خطوط ریکارڈ پر لانے کا حکم دیتے ہوۓ معاملہ کی سماعت غیر معینہ مدت تک کے لیے ملتوی کردی ہے۔
