ہیڈ آف نیوز اسلام آباد منتظر مہدی
سپریم کورٹ نے محکمہ بلدیات گڑھی یاسین کے 200 سے زائد ملازمین کی عبوری ضمانتیں منظور کر لی ہے۔ معاملہ کی سماعت جسٹس مشیر عالم کی سربراہی میں تین رکنی بینچ نے کی۔دوران سماعت جسٹس قاضی امین نے ریمارکس دئیے کہ یہ واحد ملک ہے جہاں ضمانت قبل ازگرفتاری دو دو سال برقرار رہتی ہے،دنیا کا واحد ملک ہے جہاں فوجداری نظام انصاف کا یہ حال ہے،قومی مفاد میں نیب کے اقدامات پر بات ہوسکتی ہے،سندھ ہائی کورٹ نے ملزمان کو کہا پیسے جمع کراو اور گھر جاو،ملزمان کیساتھ یکساں سلوک ہونا چاہیے۔ملزمان کے وکیل شاہ خاور نے عدالت سے استدعا کی کہ آج پہلا روزہ ہے ریلیف ملنا اچھا ہوگا۔جسٹس قاضی امین نے اس پر کہا کہ رمضان میں شیطان بند ہوتا ہے اور ملزمان کو ضمانت مل رہی،عدالت عظمیٰ نے اس موقع پرمحکمہ بلدیات کے دو سو سے زائد ملازمین کی عبوری ضمانتیں منظور کرتے ہوۓ تمام ملزمان کو سندھ ہائی کورٹ سے رجوع کرنے کی ہدایت کرتے ہوۓ سندھ ہائی کورٹ کو میرٹ پر تمام کیسز کا جائزہ لیکر فیصلہ دینے کا حکم دیتے ہوۓ
معاملہ نمٹا دیا ہے۔ ملزمان پر مختلف منصوبوں میں
کرپشن
کے الزامات ہیں
