دبئی (خصوصی رپورٹ)
دبئی میں سماجی اور تفریحی سرگرمیوں کی اجازت دیدی گئی ہے تاہم اس میں صرف وہ افراد شرکت کرسکیں گے جنہوں نے کورونا سے بچاؤ کی ویکسین لگوائی ہوگی ۔
حکام کے مطابق ان ایونٹس کے اجازت نامے صرف اس شرط پرجاری کئے جائیں گے جب اس بات کی یقین دہانی کرائی جائے گی کہ ایونٹ میں شریک افراد اور حصہ لینے والے تمام افراد کی ویکسینیشن ہوگئی ہے۔
دبئی حکومت نے کمیونٹی اور اسپورٹس ایونٹ کی بھی اجازت دیدی ہے تاہم اس کے لئے بھی یہی شرط ہے متعلقہ ایونٹ میں حصہ لینے والے ، تماشائی اور عملہ نے ویکسین لگوالی ہو۔
دبئی حکومت نے ان ایونٹ کے لئے شرکا کی تعداد بھی مقرر کی ہے ۔ جو انڈور ایونٹ میں 1500 اور آوٹ ڈور ایونٹ میں 2500 ہوگی۔
