دبئی (خصوصی رپورٹ)
خلیج تعاون کونسل کے رکن ممالک میں اب تک دو کروڑ 92 لاکھ 16 ہزار 674 افراد کو کورونا سے بچاؤ کے لیے ویکسین لگائی جاچکی ہے۔
خلیجی مرکز برائے شماریات کے جاری کردہ اعداد وشمار کے مطابق خلیجی ممالک میں کورونا کے مصدقہ کیسز کی مجموعی تعداد 19 لاکھ 14 ہزار 808 ہے۔
اس مرض سے 18 لاکھ 26 ہزار 347 افراد صحت یاب ہوئے جبکہ مرنے والوں کی مجموعی تعداد 14 ہزار 118 تک پہنچ چکی ہے۔
کورونا سے صحت یابی کا تناسب سب سے زیادہ قطر میں رہا جو 97 اعشاریہ آٹھ ہے دوسرا نمبر سعودی عرب اور متحدہ عرب امارت کا ہے جہاں کورونا سے شفایابی کا تناسب 96 اعشاریہ چار ہے۔ جبکہ کویت میں 95 اعشاریہ تین، عمان میں 92 اعشاریہ پانچ اور بحرین میں 91 اعشاریہ ایک ہے۔
