دبئی (بیورورپورٹ)
امارات میں اب ایسے افراد کو بھی مفت ویکسین لگے گی جن کے داخلی اور رہائشی ویزے ختم ہوگئے ہیں ابوظبی کے میڈیا آفس نے اپنے ایک ٹویٹ میں کہا ہے کہ ویکسین لگوانے کے لیے کوئی بھی ایکسپائر شناخت مخصوص ویکسین سینٹرز میں رجسٹر ہونے کے لیے استعمال کی جا سکتی ہے۔
اس فیصلے سے قبل امارات کی شناخت یا مستقل رہائش پذیر افراد ہی ویکسین کے لیے اندراج کراسکتے تھے۔ اس فیصلے کا اطلاق 16 برس اور اسے زائد عمر کے افراد پر ہوگا۔ حکام نے یہ فیصلہ امارات کے بیشتر عوامی مقامات پر داخلے کے لیے ’گرین پاس‘ نظام کے نفاذ کے بعد کیا ہے۔ 15 جون سے مالز، بڑی سپر مارکیٹوں، جمز اور ہوٹلوں میں آنے والے افراد کو داخل ہونے کے لیے الحصن ایپ پر کلر کوڈ دکھانا ہوگا۔
