Reg: 12841587     

شہروز نے صدف کنول سے دوسری شادی کی وجہ بتادی

مشال ارشد سی ایم انڈرگراونڈ نیوز

اداکار شہروز سبزواری نے ماڈل اور اداکارہ صدف کنول سے دوسری شادی کرنے کی وجہ مداحوں کو بتا دی۔

شہروز سبزواری اور صدف کنول حال ہی میں نجی ٹی وی کے ایک پروگرام میں جلوہ گر ہوئے جہاں دونوں نے ایک دوسرے کے علاوہ خود سے متعلق دلچسپ موضوعات پر گفتگو کی۔

اداکار نے صدف کنول کے بارے میں بات کرتے ہوئے بتایا کہ یہ ایک انتہائی خالص لڑکی ہے، اس وقت میں اپنی زندگی کے جس مرحلے سے گزر  رہا تھا اس کے بعد غیر شادی شدہ نہیں رہنا چاہتا تھا کیونکہ میں ایک مذہبی آدمی ہوں۔

شہروز نے کہا کہ ہمارے مذہب میں بہت ساری چیزوں کی اجازت نہیں ہے، میں کوشش کرتا ہوں کہ ان سے دور رہوں۔ میری نیت صاف تھی اس حوالے سے صدف کو بتایا، میں نے صدف سے کوئی غلط بیانی نہیں کی، اسے پہلے ہی اپنی تمام صورتحال سے آگاہ کردیا تھا۔

دوسری جانب صدف کنول نے شہروز کے حوالے سے کہا کہ اس نے میری بہت رہنمائی کی، یہ اچھی شخصیت کے ساتھ ایک بہت اچھے انسان بھی ہیں، ان کے والدین نے بہت اچھی تربیت دی ہے۔

صدف کنول نے کہا کہ میری ہمیشہ سے خواہش تھی کہ سادگی سے گھر میں ہی شادی کروں گی اور اتفاق سے ایسا ہی ہوا، میری ساس نے اس وقت مجھے اپنا لال جوڑا دیا تھا۔

خیال رہے اداکار شہروز سبزواری کی ماڈل و اداکارہ سائرہ یوسف سے 8 سالہ رفاقت گزشتہ برس ختم ہوئی تھی جس کے بعد شہروز نے ماڈل صدف کنول سے مئی 2020 میں شادی کر لی تھی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Previous Post

اقرا کا ہر ڈرامہ کیوں مقبول ہو جاتا ہے؟ یاسر کا انکشاف

Next Post

پریس کلب آف پاکستان یوکے کے سالانہ انتخابات صحافی ممبران کا چوہدری عارف پندھیر کی قیادت پر مکمل اعتماد کا اظہار

Related Posts
Total
0
Share