مشال ارشد سی ایم انڈرگراونڈ نیوز
واشنگٹن: امریکا میں احمق مسافر نے دوران پرواز سگریٹ جلا لی جس پر جہاز کے عملے نے فوری ایکشن لیا۔
ایک رپورٹ کے مطابق طیارے میں سگریٹ جلا کر پینے کا یہ واقعہ سال 2019 کا ہے اور اس کی ویڈیو بھی ماضی میں وائرل ہوچکی ہے لیکن اب ایک مرتبہ پھر یہ مناظر سوشل میڈیا پر گردش کررہے ہیں۔
اسپریٹ ایئرلائن کا طیارہ امریکی ریاست مینی سوٹا کے شہر مینی پولی جارہا تھا کہ اس دوران یہ حیران کن واقعہ پیش آیا، مذکورہ شخص نے قوائدوضوابط اور دیگر مسافروں کی پرواہ کیے بغیر سگریٹ پینا شروع کی۔ بعد ازاں ساتھ ہی بیٹھے مسافر کی شکایت پر جہاز کے عملے نے ایکشن لیا اور سگریٹ چھین لی۔
وائرل ویڈیو میں دیکھا جاسکتا ہے کہ مسافر نے سگریٹ جلانے کے بعد ایک کش لیا اور پھر سوگیا۔
عملے نے مسافر کو جگا کر سگریٹ بجھائی، اس دوران مذکورہ شہری خود بھی چونک اٹھا گویا اسے پتا ہی نہ ہو کہ وہ سگریٹ پی رہا ہے۔ یہ مناظر خاتون مسافر نے کیمرے کی آنکھ سے قید کرلیے۔
