مشال ارشد سی ایم انڈرگراونڈ نیوز
نئی دہلی : بھارتی ریاست تلنگانہ میں تیز رفتار کار گلی میں کھڑی موٹر سائیکلیوں پر چڑھ دوڑی، گلی میں کھیلتے بچے حادثے میں بال بال بچ گئے۔
غیر ملکی میڈیا کے مطابق بھارت کی ریاست تلنگانہ کے ضلع سنگاریڈی کے رام چندر پورم پولیس اسٹیشن کی حدود میں یہ خوفناک حادثہ پیش آیا، جس میں ایک تیز رفتار کار ڈرائیور سے قابو ہوکر گلی میں جاگھسی۔
حادثے کی سی سی ٹی وی فوٹیج بھی سوشل میڈیا پر کافی وائرل ہورہی ہے، جس میں دیکھا جاسکتا ہے کہ ایک گلی میں کچھ بچے کھیل رہے ہیں کہ اچانک ایک تیز رفتار گاڑی گلی میں کھڑی موٹر سائیکلوں کو روندتی ہوئی بچوں کی جانب آنے لگی۔
حادثہ اس قدر خوفناک تھا کہ بچے بھی شکار ہوسکتے تھے تاہم بچوں نے حادثہ دیکھ کر گھروں کی جانب دوڑ لگادی جس کے باعث جان بچ گئی، ورنہ پلک جھپکنے کی دیر ہوتی اور گلی میں ہر طرف لاشیں بھکری ہوتیں۔
پولیس کے مطابق اس حادثے میں کسی بھی بچے، شہری یا ڈرائیور کے زخمی ہونے کی اطلاعات موصول نہیں ہوئیں۔
