دبئی (خصوصی رپورٹ)
پاکستان سے اب وزٹ ویزہ ، ایمپلائمنٹ ویزہ اور ای ویزہ رکھنے والے امارات میں داخل ہوسکیں گے ۔
شارجہ کی ائرعربیبہ ائیرلائن کی جانب سے اپنی ویب سائٹ جاری کردہ تازہ سفری ہدایت کے مطابق پاکستان، بھارت ، نیپال اور سری لنکا کے وہ تمام شہری جن کےپاس حال ہی میں جاری کردہ رہائشی، وزٹ ، ایمپلائمنٹ اور ای ویزہ ہیں اب وہ شارجہ کے راستے امارات میں داخل ہوسکیں گے اور اس کے لئے انہیں کسی پیشگی اجازت یا رجسٹریشن کی ضرورت نہیں ہوگی۔
ائیرلائن کے مطابق اس فیصلے کا اطلاق ان افراد پر یکساں طور پر ہوگا جنہوں نے ویکسین لگوائی ہو یا نہ لگوائی ہو۔ اس بارے میں مزید تفصیلات کا انتظار ہے۔
