مزمل حسین ایڈمنسٹریٹر آفسیر انڈرگراونڈ نیوز
وفاقی وزیرِ سائنس اینڈ ٹیکنالوجی شبلی فراز نے بجلی کے بلوں میں 60 فیصد تک کمی کی نوید سنا دی۔
سینیٹر شبلی فراز نے میڈیا سے گفتگو کرتے ہوئے بتایا کہ وفاقی حکومت نے نئی ٹیکنالوجی کے استعمال سے کم خرچ والے بجلی کے پنکھے، واٹر موٹرز و دیگر آلات تیار کرلیئے ہیں
وفاقی وزیر کا کہنا ہے کہ نئی ٹیکنالوجی سے بنے پنکھے و دیگر آلات میں بجلی کا استعمال 40 سے 60 فیصد کم ہوجائے گا اور بجلی کے بلوں میں واضح کمی ہو گی۔
انہوں نے کہا کہ بچت شدہ بجلی کو انڈسٹری و دیگر شعبوں میں استعمال کیا جا سکتا ہے، جبکہ اس سے پہلے بجلی ضائع ہوتی تھی۔
وفاقی وزیر کا کہنا تھا کہ وزیرِ اعظم عمران خان نے ہدایت کی ہے کہ ٹیکنالوجی سے عوام کو مستفید کرنا ہے۔
