دبئی (خصوصی رپورٹ)
پاکستان کے آرمی چیف جنرل قمر جاوید باجوہ نے متحدہ عرب امارات کی مسلح افواج کے نائب سپریم کمانڈر اور ابوظبی کے ولی عہد شیخ محمد بن زاید النہیان سے ملاقات کی ہے۔
اسلام آباد میں اماراتی سفارت خانے کی جانب سے جاری بیان کے مطابق جنرل قمر جاوید باجوہ اور شیخ محمد بن زاید النہیان کی ملاقات جمعرات کو ہوئی۔
ملاقات میں پاکستان کے آرمی چیف اور ابوظبی کے ولی عہد نے دفاعی شعبے میں تعاون بڑھانے کے حوالے سے تبادلہ خیال کیا۔ پاکستان اور امارات کے درمیان قریبی برادرانہ تعلقات ہیں اور دونوں ممالک کے درمیان مختلف شعبوں میں تعاون موجود ہے۔
دونوں ممالک کے درمیان اس طرح کے اعلٰی سطح کے وفود کے تبادلے معمول کا حصہ ہیں۔
