(مصبا ح لطیف اے ای انڈرگرائونڈ نیوز)
قومی ائیر لائن پی آئی اے کے حج آپریشن کا پہلا مرحلہ مکمل کرلیا اور دوسرا مرحلہ 2 جولائی سے شروع ہوگا۔
پی آئی اے کے مطابق کراچی تا جدہ آپریٹ ہونے والی پی آئی اے کی پرواز کے ساتھ ہی قبل از حج آپریشن مکمل ہوگیا جس میں کل 268 پروازوں کے ذریعے61467 عازمین حج کو حجاز مقدس پہنچایا گیا۔
پی آئی اے کے مطابق ان پروازوں کے ذریعے تقریباً 41 ہزار سرکاری حجاج، 19 ہزار پرائیوٹ حجاج اور 600 خدام مدینہ منورہ اور جدہ روانہ ہوئے۔
پی آئی اے کے قبل از حج آپریشن کا آغاز 21 مئی سے ہوا تھا جو 22 جون تک جاری رہا۔
پی آئی اے کے مطابق پروازیں کراچی، اسلام آباد، لاہور، ملتان، فیصل آباد، سیالکوٹ اور پشاور سے براہ راست روانہ ہوئیں جب کہ سکھر، رحیم یار خان اور کوئٹہ سے بھی عازمین حج نے براستہ کراچی جدہ کا سفر کیا۔
پی آئی اے کے مطابق پورے حج آپریشن میں صرف 19 پروازیں مختلف وجوہات کی بنا پر تاخیر کا شکار ہوئیں، حج آپریشن میں بروقت روانگی کے اعلیٰ تناسب پر سی ای او پی آئی اے نے متعلقہ ٹیموں کو شاباش دی۔
پی آئی اے کا بعد از حج آپریشن کا آغاز 2 جولائی سے ہوگا جو 2 اگست تک جاری رہے گا۔
