(اسلام آباد سے ھیڈ آف نیوز منتظر مہدی)
راس الخیمہ میں وبا سے نمٹنے کے لئے کئے گئے حفاظتی اقدامات میں 8 اپریل تک توسیع کردی گئی ہے جس میں اجتماع ، تقاریب اور مالز میں گنجائش شامل ہیں ۔ حکام کے مطابق ساحل اور پارکس میں گنجائش 70 فیصد، شاپنگ مالز میں 60 فیصد، پبلک ٹرانسپورٹ ، سینما اور دیگر تفریحی مقامات، فٹنس سینٹر، جیمز، پولز اور پرائیوٹ ساحل پر 50 فیصد برقرار رکھی جائے گی جبکہ گھریلو اور سماجی تقریبات میں 10 افراد اور جنازہ و تدفین میں 20 افراد شریک ہوسکیں گے۔ ریسٹورنٹ اور کیفے میں میز کے درمیان 2 میٹر کا فاصلہ برقرار رکھا جائے گا میز پر 4 سے زائد افراد کو بیٹھنے کی اجازت صرف اس صورت میں ہوگی جب ان کا تعلق ایک ہی خاندان سے ہو۔ شہریوں سے کہاگیا ہے کہ وہ 2 میٹر کی سماجی دوری برقرار رکھیں
