لاہور سے ہیڈآف نیوز محمد سلیم اختر۔
لاہورمیں تھانہ نصیر آبادکے علاقے مکہ کالونی گلبرگ چوک میں گھات لگائے کھڑے مخالف نے موٹرسائیکل سوار دو بھائیوں پر فائرنگ کردی۔
ایک بھائی جو سعودی عرب سے وطن واپس آیا تھا- نوجوان جلال عرف خرم موقع پر ہلاک جبکہ اس کا بھائی شہزاد شدید زخمی ہوگیا ہے۔جس کے بعد ملزم نے ایک راہگیر کو بھی فائر مار کر زخمی کر دیا۔
واقعہ کی سی سی ٹی وی فوٹیج میں چوک میں کھڑے شلوار قمیض میں ملبوس ملزم کو دیکھا جا سکتا ہے۔ملزم کافی دیر سے گھات لگائے کھڑا انتظار کررہا تھا۔اس نےموٹر سائیکل سوار دونوں بھائیوں کو دیکھتے ہی ان پر اندھا دھند فائرنگ کردی ۔جس کے بعد ملزم پارکنگ میں کھڑی موٹر سائیکل کے پاس گیا۔اس نے وہاں ایک شہری کو بھی فائر مارااورفائرنگ کے بعد ملزم وہیں کچھ دیر بے خوف وخطر تسلی سے کھڑا رہا۔
