دبئی، (وام)
اس سال نومبر میں ہونے والے دبئی ایئر شو میں ہوا بازی، ٹیکنالوجی اور خلاء سے متعلق امور پر نو مباحثوں کا اہتمام کیا جائے گا۔
جس میں ان شعبوں سے تعلق رکھنے والی ممتاز شخصیات بھرپور بحث کریں گی۔ ان مباحثوں میں ہوائی سفر میں انقلاب لانے میں نئی ٹیکنالوجیز کا کردار، کارگو سیکٹر میں ہونے والی بڑی تبدیلیوں، پائیداری اور خود مختار نقل و حمل میں عالمی ترقی، نئی خلائی خدمات اورسیٹلائٹ رابطوں سمیت متعدد امور پر تبادلہ خیال کیا جائے گا۔ائرسو 14 سے 18 نومبر تک ہوگا۔
عالمی صنعت کی ممتاز شخصیات دبئی ایئر شو کی کانفرنسوں میں حصہ لیں گی جن میں متحدہ عرب امارات کی حکومت کے سائبر سیکورٹی کے سربراہ ڈاکٹر محمد الکویتی، ایئر ایشیا میں گروپ چیف آپریشنز آفیسر جاوید ملک، ساؤتھ ویسٹ ایئر لائنز میں ماحولیاتی پائیداری اور سپلائی چین کے نائب صدر اسٹیسی مالفور، سی وی جی ائیرورٹ پر چیف انوویشن آفیسر برائن کوب، سپائسی جیٹ کے چیف ٹیکنالوجی اور انوویشن آفیسر آشیش وکرم اور بوئنگ میں پائیداری اور مستقبل کی نقل و حرکت کے چیف انجینئر برائن یوٹکو شامل ہیں۔
